Belun liu husi programa Atensaun no Responde Sedu (AtReS) halo ona publikasaun relatóriu annual kona-ba análize Potensiál Konflitu Timor-Leste. Relatoriu ne’e aprezenta bazeia ba monitorizasaun durante tinan ida husi fulan Outubru 2014 to’o Setembru 2015. Relatóriu anuál Outubru 2014 to’o Setembru 2015, hatudu insidente hamutuk 1193, Periodu uluk husi Outubru 2013 to’o Setembru 2014 ho total númeru insidente 862, Outubru 2012 Setembru 2013 ho 747. Kálkulu ho índise redusaun bele nota iha mudansa signifikativu loos katak sa’e (agora 1193 – 862 = 331 kompara ho tinan kotuk ho insidente (862 – 747 = 115) .
Munisipiu Dili kontinua rejista númeru insidente aas-liu ho total númeru insidente hamutuk (386) no kompara ho uluk (218). Mudansa iha nivel Munisipiu tolu ne’ebé hatudu kressimentu boot-liu tuituir malu akontese iha Munisipiu Dili (168), Baucau (60), no Ainaro (31). Diminuisaun boot-liu tuituir malu akontese fali iha Munisipiu Manatuto (16), no Lautein (11). Oekusi nafatin ho mudansa zero tanba insidente akontese agora hanesan periodu uluk (98). Atu hetan informasaun kompletu bele haree iha ne’e.