TOTAL INSIDENTE VIOLÉNSIA REKOLLA HAMUTUK 103 IHA PERIODU FULAN Jullu-Augusto 2021
Belun ho nia Sistema AtReS iha periodu Jullu-Agostu 2021 hetan apoiu servisu hamutuk ho Gabinete Primeiru Ministru iha Unidade Apoiu Sosiedade Sivíl (UASS), kontinua rekolla dadus insidente iha Munisipiu Baukau iha Postu Administrativu Baucau vila, Laga no Vemasse, Covalima iha Postu Administrativu Suai, Tilomar no Zumalai. Dili iha postu administrativu Dom Aleixo, Cristo Rei, Vera Cruz no Nain Feto. Munisipiu Likisá iha postu administrativu Likisá Vila, Bazartete no Maubara. Insidente violénsia ne’ebé akontese iha periodu ne’e, hamutuk 177. Husi total Numeru insidente ne’ebé rekolla, kontinua hatudu persentajen insidente ne’ebé boot liu iha Munisipiu Dili ho porsentu 39, enkuantu iha Likisá ho porsentu 26, Baukau ho porsentu 21 no Covalima ho porsentu 14..
Haree husi jéneru perpetrador, iha insidente 157 mak envolve mane, insidente 11 mak envolve feto, insidente 6 mak envolve feto no mane, enkuantu insidente 3 mak la hatene envolvimentu jéneru ka deskoñesidu. Enkuantu vitima husi insidente ne’e, mane 102, feto 63, no vitima feto no mane hamutuk 12. Lee Revista Situasaun Kompletu iha ne’e.