Alerta AtReS: Violénsia konfrontasaun entre Polísia ho eis-Membru Grupu ne’ebé alega fó apoiu ba Mauk Moruk iha Laga, Munisipiu Baukau

January 16, 2015

Belun nia monitorizasaun ba mudansa situasaun no insidente violénsia ligadu ho rezolusaun númeru 5/2014 kona-ba atuasaun movimentu grupu ilegais relata katak, iha dia 15 Janeiru 2015 iha Suku Saelari, Postu Administrativa Laga, Munisipiu Baukau akontese konfrontasaun entre PNTL eskuadra Laga ho deskonfia, eis-membru grupu Konsellu Revolusionáriu Maubere (KRM). Eis Komandante, Mauk Moruk ne’ebé hetan livre husi prizaun iha fulan Dezembru 2014.

Impaktu husi insidente ne’e maka membru PNTL kanek todan; nain rua agora daudauk iha hela Ospitál Referral Baukau, hanesan komandante eskuadra Laga ne’ebé hetan tuda ho fatuk no Xefe investigasaun Laga, hetan taa iha ulun. Polísia nain 2 seluk hetan kaptura iha insidente konfrontasaun ne’e, maibé ohin dadeer dia 16 Janeiru 2015 tuku 06.00, komunidade entrega ona ba Ministru Defeza no Seguransa, hanesan mós Primeiru Ministru Xanana Gusmao iha fatin akontesimentu, Suku Saelari.

Favor hare Alerta kompleta iha ne’e.