ATRES-Alerta-Jul-2010-Atividade-TNI-indika-tensaun-tamba-demarkasaun-fronteira
ALERTA:
Durante semana rua ikus fulan Maiu 2010, membru militares Indonesia (TNI1) tama iha komunidade nia bairu naran Naktuka, Suku Bene Ufe, sub-distritu Nitibe, distritu Oe-cusse. Sira nia objetivu dehan katak atu fó konsellu ba komunidade relasiona ho planu konstrusaun ba uma sosiál husi Ministériu Solidariedade Sosial Timor-Leste. Iha 29 Maiu 2010, membru TNI dala ida tan tama iha komunidade nia let no halo estragu ba uma sosiál rua, lori família ne’ebé mak hela ba iha suku viziñu ida. Membru TNI hirak ne’e, suporta husi membru komunidade balun husi Indonesia no balun husi area ne’e rasik ne’ebé seidauk rezolvidu, dehan katak la permite atu halo konstrusaun iha area ne’e tanba estatuta territorial ne’e seidauk iha akordu kompletu entre Indonesia no Timor-Leste.
Rekomendasaun imidiata: Maske asuntu ida ne’e simu tiha ona atensaun husi ulun-boot Governu nia, asuntu ida ne’e mak nudár Kritériu internasionál entaun responsabilidade iha futuru atu bele responde ba insidente hirak ne’e iha Ministériu Negósiu Estranjeiru nia liman. Kontinuasaun ba dokumentu hotu ne’ebé haruka ba autoridade Indonesia nian presiza hala’o, atu bele prevene asaun futuru ne’ebé mak sei foti husi ofisiais TNI hodi intensifika situasaun maske negosiasaun diplomátika kontinua la’o daudaun ba finalidade akordu kona ba demarkasaun ba fronteira. Akordu kona ba area ne’ebé Unidade Patrolha Fronteira Timor-Leste (UPF)2 no TNI ne’ebé mak autorizadu halo patrolha tenke haree no konfirma hikas fali. Ministériu Negósiu Estranjeiru presiza implementa planu ne’ebé sira iha atu fornese ba UPF no TNI mapa ne’ebé hanesan ba area ida ne’e. 3