Harii Kapasidade Komunidade

Bazeia ba pillar Dezenvolve Kapasidade Komunidade ne’ebé hatuur iha planu estratéjia Belun maka Belun liu husi nia programa:

Programa Klínika Asesu Justisa

Fasilita Treinamentu kona-ba Mediasaun ba lideransa komunitária no komunidade sira ho objetivu lideransa komunitária sira aumenta sira nia kapasidade hodi fasilita Mediasaun ba disputa ne’ebé mosu iha sira nia suku laran.

Programa Feto Paz no Seguransa

Belun liu husi nia programa ida ne’e fó kapasitasaun ka treinamentu ba grupu feto rural sira iha area prevensaun no responde konflitu ho objetivu atu feto sira iha koñesimentu kona-ba oinsá identifika konflitu no dezeña asaun hodi prevene no responde.

Programa Apoiu Polísia Komunitária

Liu husi Programa Apoiu Polisiamentu Komunitária, Belun hamutuk Polísia Komunitária fasilita formasaun ba lider komunitária, Reprezentante Veteranu no Lia Nain ne’ebé eziste iha estrutura konsellu suku nia laran, ho objetivu hodi forma Konsellu Polisiamentu Komunitária ne’ebé mak atu servisu hamutuk ho PNTL hodi halo Pontus importante 3 ne’ebé tuir mai:

    • Identifika isu ka problema ne’ebé mak mosu iha suku laran
    • Buka solusaun ka rezolve ou revere kajú sivíl sira
    • Refere kajú krime ba PNTL ou ba Ministériu Públiku