Belun ho nia Sistema AtReS iha periodu Outubru-Novenbru 2019 rekolla dadus insidente violénsia jerál hamutuk 102, tun 13% husi periodu anterior ho númeru insidente total hamutuk 132. Husi total númeru insidente 102, persentajen boot liu akontese iha Baukau ho 54%, tuir fali RAEOA ho 24%, Covalima 20% no persentajen kiik liu akontese iha Dili ho 3%. Maske nune’e la signifika insidente iha Dili mak menus duni, tanba monitorizasaun no kolesaun ba insidente iha Dili fóin mak hahú fali iha mediu fulan Novembru 2019 ho apoiu fundu husi Kooperasaun Alemaña.
Perpetrador husi insidente sira ne’e, mane hamutuk 85, feto 9. Insidente nee’bé envolve autor feto no mane hamutuk 6 no la hatene iha iha 2. Perpetrador nia pozisaun sosiál barak liu mak to’os ka natar ka animal na’in (26), tuir fali mak membru família ne’ebé hela iha uma hanesan (19), viziñu (16), membru família ne’ebé hela iha uma seluk (13), eis membru grupu Arte Marsiál (9), Dezempregu (4), Ema Deskoñesidu no estudante 6 (ida-idak 3), Membru Konsellu Suku, Ofisiál governu no Veteranu. Lee Revista Situasaun Kompletu iha ne’e.