Belun ho nia Sistema AtReS iha periodu Dezembru 2019 – Janeiru 2020, ho apoiu husi kooperasaun Alemaña, GIZ kontinua rekolla dadus iha Baukau no Dili, no kobre tan iha Munisipiu Lautein no Vikeké. Insidente violénsia ne’ebé akontese iha periodu ne’e, hamutuk 105. Husi total ne’e, persentajen boot liu akontese iha Dili ho 44%, tuir fali Baukau ho 34%, Vikeké 13% no persentajen kiik liu akontese iha Lautein ho 9%.
Perpetrador husi insidente sira ne’e, mane hamutuk 94, feto 4. Insidente ne’ebé envolve autor feto no mane hamutuk 2 no la hatene iha 5. Perpetrador nia pozisaun sosiál barak liu mak membru família ne’ebé hela iha uma hanesan 26, tuir fali mak dezempregu 18, estudante 17, to’os ka natar ka animal nain 14, membru família ne’ebé hela iha uma seluk 12, eis-membru grupu Arte Marsiál 8, ema deskoñesidu 4, membru F-FDTL, membru konsellu suku, ofisiál governu, membru PNTL no viziñu hamutuk 5 (ida-idak 1). Pozisaun sosiál seluk, ne’ebe la tama iha kategorizasaun no ema deskoñesidu hamutuk 29. Vitima husi insidente ne’e, mane hamutuk 57, feto 31, no vitima feto no mane hamutuk nain 16, la hatene iha 1. Lee Revista Situasaun Kompletu iha ne’e.