Sistema Atensaun no Responde Sedu (AtReS)

Update 2019, Belun nia Sistema Atensaun no Responde Sedu (AtReS) hamutuk rede parseria ho monitórizadores voluntáriu atu koleta dadus no informasaun kona-ba insidente violénsia sira no mudansa situasaun seguransa iha Munisipiu 3 iha Timor-Leste. Monitórizadores na’in 10 nudar parseiru importante ho funsiona iha Postu Administrativa 10 ba koleta dadus, ne’ebé transmite ba Edifísiu Belun liu husi sistema tablet no publika diretamente iha AtReS nia Website foun ho dadus kompletu.

Dadus no análize AtReS kompila periódikamente no públika iha forma haat:

  1. Alerta sei hasai bainhira insidente no tendénsia sériu ne’ebé rejista husi Sistema monitor AtReS.
  2. Revizaun Situasaun Mensal halo rezumu ba insidente no tendénsia sira ne’ebé boot liu, ne’ebé rejista husi sistema monitorizasaun AtReS no aprezenta revizaun ho gráfiku husi insidente hotu ne’ebé rejista kada fulan.
  3. Relatóriu Análize Pontensialidade Konflitu revee dadus AtRes ba periodu ne’ebé kleur (fulan 4 to’o tinan 1) atu identifika di’ak liu tendénsia no mudansa longu prazu ba situasaun seguransa iha nivel sub-distritu, distritu no nasionál
  4. Relatóriu Peskiza no Breve polítika aprezenta vizaun ne’ebé kle’an ba asuntu ka tema ruma, ne’ebé Monitór AtReS identifika ona ne’ebé iha impaktu sériu ba situasaun seguransa iha Timor Leste no/ka ne’ebé iha poténsia ba efeitu negativu ba situasaun seguransa iha futuru.

Kada Alerta AtReS, Relatóriu Análize Poténsia Konflitu no Relatóriu Peskiza aprezenta rekomendasaun série ruma ba parseiru ne’ebé relevante atu inisia reforma polítika no intervensaun iha nivel lokál no nasionál. Favór ida bele kliik iha ne’e atu asesu ba Belun nia publikasaun hotu iha lingua Tetun no Inglés

Sistema AtReS ni’an publikasaun hotu dezamina liu husi Koordenadór Munisipiu AtReS ba ho parseriu lokál Rede  Prevensaun no Responde Konflitu (RPRK) iha Postu Administrativu 10. Sistema AtReS suporta estabelesimentu RPRK nudár meius atu hasa’e komunidade nia kapasidade ba prevensaun no responde konflitu. Maioria membru RPRK inklui reprezentante husi PNTL, Diresaun Nasionál Prevensaun Konflitu Komunitária, governu lokál, konsellu tradisionál lokál, Departementu Harii Pas no Koezaun Sosiál, sosiedade sivíl, grupu juventude, grupu relijiozu, grupu veteranu, grupu feto sira, partidu polítika, no membru komunidade ne’ebé interese.

Kada RPRK hasoru malu dala tolu kada tinan atu diskute situasaun seguransa iha Postu Administrativu no planu atividade ba harii dame ne’ebé dala ruma suporta husi Belun nia fundus ki’ik. Atividade harii dame inklui ‘Tara bandu’ (serimónia juramentu tradisionál), diálogu komunitária no semináriu ka treinamentu nomos eventu ho aksaun dame seluk.

Parseiru Prinsipál sira: Ministeriu Defeza no Seguransa, inklui Diresaun Nasionál ba Prevensaun Konflitu Komunitária, Ministériu Solidariedade Sosiál, PNTL, F-FDTL, Rede Prevensaun no Responde Konflitu iha nivel postu administrativu, governu lokál, lider komunitária, grupu no lider tradisionál sira, grupu sosiedade sivíl, lider partidu polítiku sira, grupu veteranu no grupu arte-marsiál sira, grupu joven no grupu feto sira.

Kobertura Jeografia: Sistema AtRes opera/funsiona iha Munisipiu 9 no Postu Administrativu 31:

  • Munisipiu Baukau – Postu Administrativu: Baukau, Laga no Vemasse
  • Munisipiu Covalima –:  Postu Administrativu: Suai, Zumalai no Tilomar
  • Rejiaun Autonomo Espesiál Oekusi Ambeno – Postu Administrativu: Pante Makasar, Oesilo, Passabe no Nitibe

Eventu Prinsipál sira:

  1. Halo enkontru trimestral ne’ebé fasilita husi Koordenadór Belun ho rede feto iha Munisipiu
  2. Atividade dame, ne’ebé dala ruma suporta ho Belun nia fundu ki’ik ka doadór seluk. Atividade sira ne’e inklui: ‘Tara Bandu’ (serimónia juramentu tradisionál), diálogu komunitária no semináriu ka treinamentu no eventu aksaun dame seluk.
  3. Enkontru meza-kabuar nasionál atu hetan komentáriu ba publikasaun prinsipál sira.
  4. Dezimina informasaun Sistema AtReS ho nia dadus ba sorumutu ho interese husi parseiru organizasaun sira no komunidade iha nivel nasionál no baze

 Kontaktu Programa: Maria Marilia Ximenes Castro de Oliveira da Costa (bylah.belun@gmail.com)

Periodu Programa: Janeiru 2018-Dezembru 2019

 Belun afirma katak, opiniaun ne’ebé espresa iha programa ne’e nesesáriamente la reflete opiniaun Doadór hanesan United States Agency for International Development (USAID) ka Governu Estadus Unidus nian, Governo Japan, Uniaun Europeia, GIZ/BMZ, Governu Irlanda no UNDP.