Relatóriu Monitorizasaun Insidente Violénsia Eleitorál iha Eleisaun Parlamentár 2017

August 29, 2017

Belun liu husi Sistema Atensaun no Responde Sedu (AtRES) lansa relatóriu monitorizasaun ba insidente violénsia eleitorál ba eleisaun Parlamentár 2017. Monitorizasaun ne’e halo iha periodu “antes, durante no depois eleisaun”. Dadus ne’ebé identifika, tuir mai halo kompilasaun, analiza, hakerek relatóriu no identifika rekomendasaun profunda hodi halo submisaun ba instituisaun eleisaun hanesan Comisaun Nasionál Eleisaun (CNE) no Secretariado Técnico de Administração Eleitorál (STAE).  Alende ne’e hato’o mós submisaun ba Instituisaun relevante seluk hanesan Parlamentu Nasionál, Ministériu Administrasaun Estatal (MAE), Provedoria Direitu Humanus e Justisa atu hadi’ak ba kualkér eleisaun iha futuru mai.

Bazeia ba rezultadu monitorizasaun rejista insidente violénsia eleitorál hamutuk 52 mak akontese durante periodu eleisaun parlamentár 2017, maibé insidente hirak ne’e konsidera ladún sériu. Maske nune’e Belun konsidera insidente balun hanesan estraga uma no properidade, asalta entre ema eziste nafatin, tanba ne’e importante atu fó atensaun ba eleisaun sira iha futuru. Atu hatene konteúdu tomak, favor bele haree relatóriu kompletu tuir mai:

Relatóriu Monitorizasaun Insidente Violénsia ba Eleisaun Parlamentár 2017.