Programa Baze de Dadus Umanitariu Nasionál

Post image for Programa Baze de Dadus Umanitariu Nasionál

Abril 2015 – Novembru 2016
Kontaktu: , Jestor Database Nasionál iha eugenia.belun@gmail.com ka +670 7734 3450.

Projetu Baze de Dadus Nasionál ba Umanitaria no Dezenvolvimentu Komunidade, atu halo mudansa ba informasaun iha Baze de dadus hanesan organizasaun kontaktu no informasaun projetu organizasaun ka instituisaun. Baze de Dadus alkansa sustentabilidade ba longu-prazu ba programa. Belun servisu hamutuk ho Fundasaun Alola no ONG Forum Timor-Leste hodi Dezenvolve Projetu Umanitaria no Dezenvolvimentu Komunidade no hetan suporta finanseiru husi Gabinete Sosiedade Sivíliha Primeiru Ministrunia Ofisiu iha Timor-Leste. Baze de Dadus nasionál hari’i iha tinan 2002 nu’udar fontes informasaun hodi asesu informasaun ba atividade dezenvolvimentu komunidade no asistensia Umanitariu. Baze de Dadus nasionál rekolla informasaun husi organizasaun ne’ebé eziste no hala’o kna’ar ba dezenvolvimentu iha Timor-Leste.

Liu hosi informasaun atu hatene kona-ba mudansa no obstaklu ba dezenvolvimentu ne’ebé oras ne’e la’o hela, no atu hatene di’ak liu tan ba programa ne’ebé mak organizasaun sosiedade sivíl no ajensia dezenvolvimentu implementa hela dadauk iha Timor-Leste. Informasaun Baze de dadus mós atu antisipa duplikasaun iha implementasaun projetu husi saida mak programa ne’ebé governu no organizasaun sosiedade sivíl no ajensia seluk implementa hodi hadi’ak koordenasaun no liña komunikasaun entre organizasaun sosiedade sivíl, ajénsia internasionál, Instituisaun akadémiku no governu hodi alkansa seguransa umanu di’akliu.

Atu bele hetan informasaun liutan liga ba programa ne’e, bele vijita projetutlbelun.wordpress