AtReS: Revista Situasaun Maiu 2016

June 14, 2016

Iha fulan Maiu, Belun nia Sistema ba Atensaun no Responde Sedu (AtReS) kontinua halo monitorizasaun ba insidente violénsia no mudansa ba situasaun seguransa iha Timor-Leste. Monitorizasaun AtReS rejista insidente violénsia 123 mak akontese iha Maiu. Husi númeru ne’e insidente 14 iha ligasaun no akontese koinside ho Komemorasaun Restaurasaun Independénsia 20 Maiu, ne’ebé kauza ema ida mate iha Covalima no atuasaun PNTL ba Grupu Uniaun Juventude Maubere (UNIJMA) ne’ebé  hakarak dada bandeira iha Suku Maina II, Munisipiu Lautem tanba Polisia konsidera atividade ne’e illegal. Sistema AtReS mós rekolla insidente sériu ne’ebé Membru Unidade Espesiál Polísia (UEP) halo asaltu fíziku ba membru F-FDTL Ida iha area Balibar, Postu Administrativa Cristo Rei, Munisipiu Dili, hodi provoka tensaun entre parte rua no insidente violénsia ho númeru aas iha Munisipiu Vikeke no Lautein. Atu hatene informasaun detallu liu no dadus estatístika hotu ne’ebé rejista iha Maiu 2016 bele lee revista situasaun kompletu.