Belun ho nia Sistema Atesnsaun no Response Sedu (AtReS) iha períodu Dezembru 2018-Janeiru 2019 rekolla dadus insidente violénsia hamutuk 111 númeru insidente ne’e konsidera tun 5%, kompara ho periodu fulan Outubru no Novembru 2018 hamutuk 122. Númeru Insidente tun iha periodu fulan Dezembru selebrasaun Natal 2018 no Janeiru tinan foun 2019, Ne’e tanba Governu anúnsiu operasaun konjunta entre Instituisaun Polísia Nasionál Timor-Leste (PNTL) no FALINTIL Forsa Defeza Timor-Leste (F-FDTL) hodi patrulha iha Munisipiu hotu ba prevensaun konflitu no violénsia. Maski nune’e, sei akontese nafatin insidente grave, konfrontu entre Membru Eis-GAM iha Munisipiu Baukau, halo komunidade iha fatin refere senti la seguru no ta’uk.
Violénsia domestika kontinua aas iha RAEOA, no Covalima. Númeru insidente iha RAEOA hamutuk 50, Munisipiu Baukau hamutuk 43 no Covalima hamutuk 23. Autor husi insidente refere, autór mane 96, autór feto 7, autór feto no mane 7 no autór husi ema deskoñesidu 1. Vítima husi insidente ne’e Mane 45, feto 50, feto no mane 15. Autor nia pozisaun maioria ema agrikultor, membru família, viziñu, estudante, membru PNTL, membru Eis-GAM. Klik iha ne’e atu le’e liutan.