AtReS: Revista Situasaun Agostu-Setembru 2018

December 21, 2018

Sistema Atensaun no Responde Sedu (AtReS) estabelese ona iha tinan 10 liu, husi servisu monitorizasaun insidente violénsia ne’ebé akontese loro-loron iha kuaze Timor-Leste tomak. Sistema nee uza rede parseria monitorizadór iha baze ho halibur informasaun insidente violénsia. Monitorizadór ne’ebé treinadu haruka dadus insidente violénsia ba koordenadór Munisipiu no liu husi uza tablet komputadór, koordenadór munisipiu haruka ba sistema baze de dadus nasionál ho online.

Iha Fulan Agostu-Setembru 2018, Sistema AtReS tau matan de’it ba Munisipiu Dili, Baucau, Covalima no RAEOA iha Postu Administrativu 16 ho parseiru monitorizadór iha baze hamutuk 16. Iha fulan Setembru 2018 too Novembru 2018, Sistema AtReS Nia parseiru monitorizadór iha 16, kada Postu Administrasaun Monitorizadór ema na’in ida. Sistema AtReS hasoru dezafiu boot, tanba ne’e númeru dadus mós tun signifikante tebes, situasaun ne’e akontese iha limitasaun finanseiru. Tinan kotuk Sistema AtReS kobre Munisipiu 12 no RAEOA iha Postu Administrativu 43 husi monitorizadór 86.

ASUNTU NE’EBÉ PRESIZA TAU ATENSAUN

  • Violénsia Doméstika resista iha Agostu-Setembru 2018 ho total 37;
  • Insidente Violénsia hamutuk 13 mosu tanba odi vingansa entre eis-Membru Grupu Arte Marsiais;
  • Violasaun hasoru Feto ho Defisiénsia iha insidente 1;
  • Membru PNTL Baku Labarik Feto ida ho nia Inan no membru F-FDTL halo agresaun fisika hasoru nia feen kaben too mate.
  • Númeru Insidente violénsia sae maka’as iha RAEOA fulan Agostu-Setembru 2018.

Klik iha ne’e atu bele le’e informasaun komletu.