AtReS: Revista Situasaun Agostu 2017

September 12, 2017

Iha fulan Agostu 2017, Belun nia Sistema ba Atensaun no Responde Sedu (AtReS) kontinua halo monitorizasaun ba insidente violénsia no mudansa situasaun seguransa iha Timor-Leste. Dadus monitorizasaun rejista insidente violénsia 70 mak akontese iha Agostu. Númeru ne’e hatudu redusaun signifikante kompara ho fulan sira antes ne’ebé ho nia average (rata-rata) insidente 132 kada fulan. Maske nune’e, akontese insidente violénsia sériu ida durante manifestasaun husi Movimentu Universitáriu Timor-Leste (MUTL) kontra desizaun Membru Parlamentu Nasionál Terceira Lejislatura kona-ba leilaun karreta PRADO iha loron 21 Agostu 2017, ne’ebé kauza estudante na’in 4 no membru PNTL na’in 3 hetan kanek, no estudante na’in 13 hetan kapturasaun no detein iha sela polísia, inklui karreta 12 mak rahun. Alende ne’e, monitorizasaun AtReS mós rekolla insidente violénsia 3 liga ba membru Grupu Arte Marsiál. Atu hatene informasaun detallu liu no dadus estatístika hotu ne’ebé rejista iha Agostu bele haree Revista Situasaun Kompletu.