AtReS: Revista Situasaun Abril-Maiu 2019

July 24, 2019

Belun ho nia Sistema AtReS iha periodu Abril-Maiu 2019 rekolla dadus insidente violénsia jerál hamutuk 158 númeru insidente ne’e sae 20%, kompara ho dadus fulan Fevereiru-Marsu 2019 hamutuk 96. Númeru insidente refere sae iha periodu ne’e, tanba sistema AtReS reativa tan Monitorizasaun iha Munisipiu Dili.

Husi total númeru insidente iha tabela, 32% insidente akontese iha Baukau, 30% insidente akontese iha Munisipiu Dili, 25% akontese iha RAEOA no 13% insidente akontese iha Munisipiu Covalima. Insidente 158 autor mane 123, autór feto 16, autór feto no mane 10 no autór deskoñesidu ema nain 9. Autor nia profisaun maioria husi membru família hamutuk insidente 60, viziñu 42, to’os ka animal nain sira 42, membru família sira ne’ebé hela uma ketak 39,  estudante 22, membru Eis-GAM 20, dezempregu 15, membru PNTL 3, membru veteranu 1, ofisiál Governu 3, ema deskoñesidu 4, ema estranjeiru 1 no seluk. Vítima husi insidente ne’e, mane 75, feto 48, feto no mane 31. Iha mós vitima la hatene (estraga sasán ka propriedade sira) hamutuk 4. Issue ka kauza insidente ho violénsia kontinua trend ka sae makas  iha periodu monitorizasaun ne’e mak hanesan, Violénsia Bazeia ba Jéneru (VBJ) inklui violénsia doméstika, asédiu seksuál, raptu, laran moras no ódio vingansa ba malu no problema pasadu,  vitima no autor ho  kondisaun tua lanu, insidente entre membru Eis-GAM, dun malu buan ka uza kaer ai-kulit, lori lia bosok, lia fetosa-umane (lisan Kultura), problema liga ba animal, iha mos insidente liga ba polítika governu, no seluk tan. Lee Revista Situasaun Kompletu iha ne’e.