Alerta- Naktuka

Alerta Naktuka- Jan 2013

Durante fulan Dezembru 2012, iha semana ikus loron 30 de Dezembru mosu insidente violénsia liga ho ema deskoñesidu oho mate mane ida hanesan lia nain no mós koñesidu iha komunidade Citrana ne’ebé toba iha baraka (uma) iha toss besik fronteira iha area Naktuka, Suku Bene Ufe, sub-distritu Nitibe, distritu Oecussi. Insidente ne’ebé fó impaktu ba komunidade iha area Naktuka ho mosu tensaun husi insidente dala ida tan ho afeta trauma, ta’uk, la hakmatek no halo movimentu ba Xefe família 27 evakua ba area manan. Parte seluk komunidade iha Naktuka mós preokupa liutan tanba hanesan lia nain ne’ebé durante ne’e ema hotu fiar no respeitu maibé iha ema deskoñesidu halo asalta fíziku no rezulta lia nain mate. Ne’e bele mós sei akontese tan ba komunidade iha futuru bainhira laiha asaun prevensaun imediatu husi Governu Timor-Leste hodi dudu prosesu negosiasaun ho Nasaun Indonesia hodi finalize demarkasaun fronteira ho nasaun Indonézia. Objetivu boot Komunidade Moris Hakmatek no Dame.