Alerta AtReS: Insidente Violénsia Eleitorál 35 Akontese Antes, Durante no Depois Votasaun iha Eleisaun Suku

Bazeia ba rezultadu monitorizasaun Belun liu husi Sistema Atensaun no Responde Sedu (AtReS) ba insidente violénsia eleitorál ne’ebé akontese antes, durante no depois votasaun iha eleisaun suku ne’ebé realiza ona iha loron 29 Outubru 2016 rejista insidente 35. Husi insidente 35 ne’e, insidente 13 uza forsa fíziku ho maneira asalta malu no tuda malu, no restu envolve violénsia verbal de’it hanesan istori malu, haksesuk malu no hakilar malu. Detallu kona-ba karakterístiku insidente hotu ne’ebé rejista bele haree. Alerta kompletu.