Alerta AtReS: Belun Kondena Insidente Grave Hasoru Feto no Labarik Feto Ne’ebé Akontese Ikus-Ikus ne’e

Bazeia ba rezultadu monitorizasaun Belun liu husi Sistema Atensaun no Responde Sedu (AtReS) deteta insidente violénsia grave balun hasoru feto no labarik feto ne’ebé akontese ikus-ikus ne’e iha Munisipiu balun hanesan Covalima, Dili no Rejiaun Administrativa Espesiál Oekusse-Ambenu. Insidente hirak ne’e kauza Feto no Labarik feto ne’ebé hanesan estudante mak sai vítima no balun hetan konsekuénsia ho mate. Atu hatene informasaun liu tan bele haree iha ne’e.